my heart is ‘right’
my mind is ‘left’
my words fall as my thoughts sway
sometimes right
sometimes left
making me sound a dumb hypocrite
so, instead, i’ll keep queit!
Pleadeclaration
This is an attempt, by quite liberally quoting and extensively leveraging the literature of “Declaration of Independence” and the famous “Gettysburg Address“, to plead to the people and politicians of this nation to remember and restore the very fundamental rights (to equality and immigration) that this nation fought for, 244 years ago.
To all the citizens of the United States of America
To all the aliens aspiring to be the citizens of America
To all the people of color and colorless and ‘status’ and statusless..
Twelve scores and four years ago, the great Fathers of this nation declared that All men are equal.
Now, we are engaged in a new-age civil war, turning this very land of opportunities into a battle-ground of unending riots and the land of immigrants into law of oppressions, testing whether the unalienable rights of Life, Liberty and the pursuit of Happiness can long endure in this nation. Thus raising doubts, if those Rights are even self-evident anymore.
Let the Facts be submitted to a candid world, that The history of the present ‘King’ is a history of repeated injuries and usurpations and his endeavor to prevent the population of these States by refusing to pass Foreigners to encourage their migrations hither. Notwithstanding, The opportunistic ‘future Kings’ kept among us, in times of peace, Hidden Armies to excite domestic insurrections bringing in undistinguished destruction. All having in direct object the establishment of an absolute Tyranny over these States.
Whenever any Form of Government or Opposition or Human act of unkindness becomes destructive of Safety and Happiness, when a long train of abuses and usurpations, pursuing invariably the same Object evinces a design to reduce them under absolute Despotism, it is the Right and Duty of the People of this nation to be alert to alter or to abolish the tyranny and lawlessness.
We, therefore, the residents of the United States of America, with a firm reliance on the protection of divine Providence, mutually pledge to each other our Lives and our Fortunes to be dedicated with increased devotion now to the great challenge before us—that we now highly resolve-that this nation, shall restore peace and equality—and that the unalienable rights of Life, Liberty and the pursuit of Happiness shall not perish from the earth.
Happy 244th Independence Day!
మనమూ శ్రామికులమే!
ఆఫీస్ లో ఉన్నా, ఇంట్లో ఉన్నా,
షాపింగ్ కెళ్లినా, సినిమాకొచ్చినా,
పక్క మీదున్నా, పక్కూరెళ్లినా,
పడుకునే ముందూ, నిద్ర లేచాకా,
మధ్యలో మెలకువొచ్చినప్పుడల్లా,
ఎప్పుడూ పని పని పని పని
అని, పని గురించే ఆలోచిస్తూ,
మెదడుకి ఏమాత్రం విశ్రాంతి లేకుండా
నిరంతరం శ్రమించే సాఫ్ట్ వేర్ శ్రామికులారా..
వెన్ను వంగక
మెడ తిరగక
తిన్నదరగక
కునుకు పట్టక
ఆరోగ్యాన్ని త్యాగం చేస్తూ..
నిద్ర చాలక
సమయం దొరకక
భార్యతో గడపక
పిల్లల్తో ఆడక
సంసారంలో రాజీ పడ్తూ..
వయసు పెరిగాక
అవకాశాలు తగ్గాక
టెక్నాలజీ మారాక
కొత్తది అర్ధంకాక
కుర్రకారుతో పోటీ పడుతూ..
ఎకానమీ బాగోక
ప్రమోషన్లు రాక
జీతాలు పెరగక
ఉన్నది ఎప్పుడూడుతుందో తెలీక
అనిశ్చితితో కుస్తీ పడ్తూ..
ప్రపంచానికి విజ్ఞాన వెలుగులనందించడానికి
తాము నలిగిపోతూ, సమిధలౌతూ
మానవాళిని నవయుగం వైపు
ప్రగతి పథంలో నడిపిస్తున్న
సాంకేతిక విప్లవ వీరులారా..
శ్రామిక దినోత్సవ సందర్బంగా, మనకివే నా జోహార్లు!
వడి వడిగా విడివడుతున్నాయ్!
2020 సంవత్సరంలో కరోనా మానవాళి మీద మొదటిసారి దండెత్తినప్పుడు, ఒక ప్రముఖ దినపత్రిక నిర్వహించిన కవితా పోటీ సందర్భంగా, నేను రాసి పంపిన ఈ కవిత ( ఎంపిక కాలేదు)
సర్వ జీవులూ నా వశమన్నా
ఏ జంతువునీ వదలక తిన్నా
అంతు చిక్కని సూక్ష్మ జీవి నను
గజగజ నిలువున వణికిస్తుంటే
విడివడుతున్నాయ్.. నేనే గొప్పని నిన్నటిదాకా వీగిన నీలుగులు
వడివడిగా విడివడుతున్నాయ్!
పెరిగే జీతం పరపతి అన్నా
పదోన్నతే పరమావధి అన్నా
ఇల్లూ పెళ్ళాం న్యుసెన్సన్నా
ఇంట్లో ఉంటూ పనిచేస్తుంటే
ఇంటి పనుల్లో సాయం చేస్తూ
భార్య కళ్ళలో వెలుగును చూస్తే
విడివడుతున్నాయ్.. నా కళ్ళను కమ్మిన చెమ్మ తెరలు
వడివడిగా విడివడుతున్నాయ్!
గడప దాటితే వాహనమన్నా
కాలుష్యం భూమిని కప్పేస్తున్నా
ఐతే నాకేంటని మిన్నకున్నా
గూట్లో వాలిన గువ్వ స్వనం
కిటికీలో చేరిన కోకిల గానం
‘మాకెందుకీ శాపం’ అని ప్రశ్నిస్తుంటే
విడివడుతున్నాయ్.. నా ప్రగతి చిమ్మిన కారు మబ్బులు
వడివడిగా విడివడుతున్నాయ్!
ఊడ్చే వాళ్ళని విసుక్కున్నా
కడిగే వాళ్ళని కసురుకున్నా
చెమటోడితే చీదరించుకున్నా
శుద్ధమైన నా మరో ప్రొద్దు కోసం
తమ జీవితం తెల్లారినా పర్లేదని
అలుపెరగక రాత్రీపగలూ శ్రమిస్తుంటే
విడివడుతున్నాయ్.. నా బుర్రకు పట్టిన అహంకారపు బూజులు
వడివడిగా విడివడుతున్నాయ్!
రక్షకభటులే భక్షకులన్నా
సైన్యం గుప్పిట ఇక్కట్లన్నా
తప్పించుకు నే తిరుగుతున్నా
మండుటెండలో మాడిపోతూ
దిగ్బంధాన్ని అమలు చేస్తూ
అసాధ్యాన్ని సుసాధ్యం చేస్తుంటే
విడివడుతున్నాయ్.. ఆపద్బాంధవులపై అల్లిన ఆరోపణలు
వడివడిగా విడివడుతున్నాయ్!
మానవుడే మహనీయుడన్నా
జగత్తు మొత్తం నా జాగీరన్నా
నా నడతే నాగరికతన్నా
నా ప్రగతే ధ్యేయమన్నా
కానీ ఇప్పుడు..
అనుబంధాల మధురిమలతో
ఇదివరకెరుగని అనుభూతులతో
మానవత్వం కొత్త మొగ్గలేస్తుంటే
నన్ను నాకే కొత్తగా పరిచయం చేస్తూ
కనిపించని కరోనా నాకు కనువిప్పు కలిగిస్తుంటే
విడివడుతున్నాయ్.. తరాలుగా పేరుకున్న అపోహల దొంతరలు
ఒక్కొక్కటిగా విడివడుతున్నాయ్!
నాలో ఊపిరులూదటానికి
తన ఆయువునే పణంగా పెట్టిన
వైద్యుడే నారాయణుడంటున్నా
ముక్కోటి నారాయణుల పుణ్యఫలమో
అహర్నిశల పరిశోధనల ఫలితమో
ప్లాస్మా తో ప్రయోగాలూ
క్లోరోక్విన్ తో కసరత్తులూ
మహమ్మారిని మెల్లమెల్లగా తరుముతుంటే
చిగురాశలు నిండిన నా కళ్ళకు
అగుపడుతున్నాయ్.. మన మనుగడపై ముసిరిన చీకటి మేఘాలు
వడివడిగా విడివడుతున్నాయ్!
శార్వరినామ ఉగాది శుభాకాంక్షలు!
నవ కరోనా..
ఇదివరకెరగని
కంటికి దొరకని
అంతే చిక్కని
సూక్ష్మ రక్కసి!
ఎల్లలు దాటి
కోరలు చాచి
కాటును వేసే
పెను సునామీ!
ఇది బహుశా..
లెక్కకు మించి భూమికి బరువై
జిహ్వమునెంచి తిండికి కరువై
హద్దులు మరచి
జీవుల మింగే మానవ జాతిని
హెచ్చరించిన
అన్య జీవుల యుద్ధ నగారా!
జనులారా..
ఈ ‘యుద్ధానికి’ సన్నద్ధం కాకున్నా
రాబోయే ఆ ‘యుద్ధాలు’ ఆపకున్నా
గుండ్రటి భూమి.. తిరుగక మానదు!
సూర్య చంద్రులు.. వెలుగక మానరు!
కానీ, మనకి మాత్రం.. ఉనికి ఉండదు!!
జీవ వైవిధ్యం.. ప్రకృతికి మూలం!
సమతుల్య లోపం.. వైపరీత్యానికి మూలం!
జీవావరణ సంరక్షణం.. మన మనుగడకే మూలం!
ఈ యథార్థం ఇప్పటికైనా గ్రహిస్తే
ఈ సంతులనం ఇకనుంచైనా పాటిస్తే
మన ముందుండేది..
కరోనాల ఊసే లేని భావి జగమే!
ఆంక్షల గోసే లేని నవ యుగమే!
ఆ నవయుగానికి ఆది కావాలి.. ఈ యుగాది!
శార్వరినామ ఉగాది శుభాకాంక్షలు!
Merry Christmas!
Oh, Jesus the Christ!
Lead us all to the path of light!!
Oh, Jesus of Nazareth!
Free us all from sorrows on the earth!!
Oh, Lamb of God!
Take away the sins of the world!!
Oh, King of the Jews!
Comest, build the Third temple for us!!
Oh, Light of the World!
Clear the darkness as we all behold!!
Oh, The Carpenter!
Wipe away the fear and tear!!
Oh, Son of David!
Thou return and walk us to Kingdom of God!!
Oh, Son of man!
Please return and save the mankind!!
Oh, God the Son!
Thank you for Thy gift of salvation!!
Oh, Rabbi, The Messiah!
Thou are our liberator! Hallelujah!!
Merry Christmas!
Disclaimer: My general knowldge of Jesus Christ and Christianity is extremely limited. Hence, please forgive any mistakes or misinterpretations!
స్త్రీ విలాపం!
ఆ రాత్రి..
పైశాచికత్వం పేట్రేగిన ప్రళయరాత్రి
మానవత్వం మంటకలిసిన మృత్యురాత్రి
అది ఓ కాళరాత్రి, చితి మండిన నిశిరాత్రి!
ఆ రాత్రీ.. ప్రతి రాత్రీ.. ప్రతి రోజూ..
ఏదో చోట.. ఓ మృత్యుఘోష
ఓ అభాగ్యురాలి ఆవేదన
ఓ నిస్సహాయురాలి నిర్వేదం!
ఆ వేదనే.. ఈ నా “స్త్రీ విలాపం!”
నేను ఆదిశక్తినని చాటొద్దు,
దేవతలా పూజించొద్దు
నన్ను భూమాతతో పోల్చొద్దు,
అమ్మగా అనుకోనూవొద్దు
నాలో ఓ అక్కని చూడొద్దు,
ఓ చెల్లినీ చూడొద్దు
ఓ మనిషీ..
దయచేసి..
నన్నూ ఓ మనిషిలా చూడు!
నీకు లాగే నాకు కూడా..
వేధిస్తే బాధ కలుగుతుందనీ
వెంటాడితే భయం వేస్తుందనీ
ఆసిడ్ వేస్తే వళ్ళు కాలుతుందనీ
ముక్కు మూస్తే ఊపిరాగుతుందనీ
నీకే జరిగినట్టు ఊహించుకుని, గుర్తుంచుకుని
నన్నూ ఓ జీవమున్న ప్రాణిలా బ్రతకనీ!
నీకు తెలుసా..
ఒళ్ళంతా ముళ్ళు గుచ్చితే ఎలా ఉంటుందో?
సిగ్గొదిలి చూసే నీ చూపులనడుగు!
నీకు తెలుసా..
ఒంటిమీద తేళ్లు పాకితే ఎలా అనిపిస్తుందో?
వికృతంగా తడిమే నీ చేతులనడుగు!
దయచేసి..
కళ్ళతోటే కుళ్లబొడవొద్దు
చేతలతోటే చిదిమెయ్యొద్దు
ఆడదాన్ని ఆశగా చూడొద్దు
అబలని అవకాశంగా వాడొద్దు!
ఓ మనిషీ..
దయచేసి..
నా మానం నాకొదిలెయ్
నా మానాన నన్నొదిలెయ్!
నా పరువు నాకుంచెయ్
నా ప్రాణం నాకిచ్చెయ్!
Be Thankful!
రోజూ తగవుపడే తల్లిదండ్రులని చూశా
ఆ తగవుల్లో అల్లాడే పిల్లాడిని చూశా!
ఇక కలిసి మెలగలేక విడిపోయిన భార్యాభర్తలని చూశా
మరి తానెటో తెలియని చంటిపిల్ల అయోమయం చూశా!
తోడు లేని జీవితం గోడుని చూశా
తాడు లేని బొంగరం జాడని చూశా!
గుక్క నీటికోసం పక్కూరెళ్ళే అక్కని చూశా
ముద్ద కూటికోసం రెక్కచాచే డొక్కని చూశా!
బీటలువారి ఎండిన పొలంలో కన్నీరెండిన కళ్లని చూశా
ఏడాది కష్టం అప్పులపాలై చూరుకు ఊగిన తాళ్ళని చూశా!
నియంత నిరంకుశత్వంతో కాలరాసిన హక్కులు చూశా
అంతర్గత కుమ్ములాటతో అంతరించిన శాంతిని చూశా!
లేని ఉద్యోగం కోసం ఊరూరూ తిరిగే నిరుద్యోగిని చూశా
చాలీచాలని జీతంతో సతమతమయ్యే చిరుద్యోగిని చూశా!
అంతులేని సంపద ఉన్నా తినలేని అభాగ్యం చూశా
అందలేని అందలమెక్కినా దూరమైన ఆనందం చూశా!
పలకలేని నోటిని చూశా
వినలేని చెవులని చూశా
నడవలేని కాళ్ళని చూశా
చూడలేని కళ్ళని చూశా!
తరచి చూస్తే..
లోకంలో లెక్కలేని ఈతిబాధలు ఎన్నెన్నో!
ఈదలేని భవసాగరాలు ఇంకెన్నో!
అంత బాధతో పోలిస్తే మనకున్నదెంత?
గుమ్మడికాయ ముందు ఆవగింజంత!
ఆ కొంత మరిస్తే, మనకింకెంతో ఇచ్చిన ఆ భగవంతునికి మనస్ఫూర్తిగా.. Thanks!
Happy Thanksgiving!
మహాత్మా!
On his 150th birth anniversay, here is my tribute to the Great Soul.. a quick peek into his journey from Africa to Paradise!
(thrown off a train in South Africa)
నల్లగున్నావ్ ఇక్కడొద్దని
రైలు నుంచే గెంటి వేస్తే
మొండి ధైర్యం వెంట రాగా
పౌర హక్కుకు పోరు సలిపె!
(returning to India and becoming INC president)
సొంత గడ్డకు తిరిగి వచ్చి
జాతినంతా కూడ గట్టి
తల్లి భారతి స్వేచ్ఛ కోసం
నేత ఒక్కడు కదం తొక్కె!
(introducing non-voilence)
శస్త్రమెరుగని శాస్త్రముందని
ఉత్త చేతుల కొత్త యుద్ధం
మొదలు పెట్టిన సత్యమూర్తికి
వింత లోకం వంత పాడె!
(intensifying ‘swadeshi’)
స్వదేశి మంత్రం జపింప చేసి
విదేశి వస్తువు దహించి వేసి
ఖద్దరు వస్త్రం ధరించి చూపి
చరఖా చక్రం హసించి తిప్పె!
(getting jailed and conflicts in INC)
తెల్ల ఏలికల కర్కశత్వము
జైలు గోడల అంధకారము
సొంత గూటిన భేదభావము
ఆపలేదుగ స్వరాజ్య సంకల్పం!
(persisting non-voilence and ‘satyagraha’)
ఆవేశమే అహింసగ మారగ
ఆగ్రహమే సత్యాగ్రహమవ్వగ
‘ఆయుధం లేని యుద్ధమేంటని’
బెంబేలెత్తెను బ్రిటీషు రాజ్యం!
(‘Dandi’ march)
ఉప్పు మీదే పన్ను వేస్తే
ఉప్పెనల్లే జాతి ఎగసె
‘దండి’దాకా దండు కదలె
దొంగ దొరలింగ్లండు తరలె!
(freedom, separation and assassination)
స్వేచ్ఛ పొందిన జాతి తనువును
నిట్ట నిలువున చీల్చుతుంటే
అడ్డు తగిలిన జాతిపితనే
అంతమొంచెను అసుర సుతుడు!
(inspiring the world leaders)
ఆఫ్రికాలో జాతి పీడన అంతమైతే
అమెరికాలో పౌరహక్కులు అంకురిస్తే
ఎల్ల జాతులు శాంతి పంథా కోరుకుంటే
అవి నీవు వేసిన బాటలే! అది నీవు చూపిన మార్గమే!!
Speak the truth!
Seek the truth!!
విక్రమార్కుడు 2019
ఈ ‘నేల’..
ఎప్పుడూ చూసినట్టులేదే!
ఎన్నడూ తాకినట్టులేదే!
ఎవ్వరూ నడిచినట్టులేదే!
చుట్టూ చిక్కటి చెట్లేవి?
అద్దాల పెద్ద మిద్దెలేవి?
అందాల వాగుల వంపులేవి?
అసలు నేనెక్కడ?
అల్లంత దూరాన అదేమి చెప్మా! చంద్రమా?
కొత్తగా వింతగా అంతకన్నా చందమేనే!
అంటే.. అంటే.. అది భూమా?
ఐతే.. నేనున్నదే చంద్రమా!
ఆహా.. ఈ క్షణం కోసమేగా ఇన్నేళ్ల నిరీక్షణం
ఈ రోజు కోసమేగా రోజులతరబడి ప్రస్థానం
నే చేరుకున్నా.. నిజంగానే చేరుకున్నా!
వింటున్నారా? వినబడుతుందా?
నేను బాగానే చేరానని, ఉన్నానని మీకు ఎలా తెలుపను?
వేల శాస్త్రవేత్తల కృషి వృధా కాలేదని ఎలా చెప్పను?
వందకోట్ల గుండెలకు వందనాలు ఎలా చెయ్యను?
‘ఆ నలుగురిలో’ మన దేశమూ ఒకటని ఎలా చాటను?
నాకు తెలుసు..
త్వరలోనే నన్ను వెతుక్కుంటూ మరో విక్రముడొస్తాడని
సవ్యంగా ముగించడానికి సవ్యసాచిలా దూసుకొస్తాడని
దేశ దేశాలకూ దిశా నిర్దేశం చేస్తాడని
శాస్త్రవేత్తలకు ‘చంద్రతత్వాన్ని’ బోధిస్తాడని
విశ్వశోధనకు మొదటి ‘మజిలీ’ తానౌతాడని!
అంతవరకూ, ఈ అనంత అంతరిక్షాన్వేషణలో నేను కొంతైనా సాధించానని ఆశిస్తూ, గర్విస్తూ.. జైహింద్!
Naa Antharangam! 