Featured

Merry Christmas!

Oh, Jesus the Christ!
Lead us all to the path of light!!

Oh, Jesus of Nazareth!
Free us all from sorrows on the earth!!

Oh, Lamb of God!
Take away the sins of the world!!

Oh, King of the Jews!
Comest, build the Third temple for us!!

Oh, Light of the World!
Clear the darkness as we all behold!!

Oh, The Carpenter!
Wipe away the fear and tear!!

Oh, Son of David!
Thou return and walk us to Kingdom of God!!

Oh, Son of man!
Please return and save the mankind!!

Oh, God the Son!
Thank you for Thy gift of salvation!!

Oh, Rabbi, The Messiah!
Thou are our liberator! Hallelujah!!

Merry Christmas!

Disclaimer: My general knowldge of Jesus Christ and Christianity is extremely limited. Hence, please forgive any mistakes or misinterpretations!

Featured

Be Thankful!

రోజూ తగవుపడే తల్లిదండ్రులని చూశా
ఆ తగవుల్లో అల్లాడే పిల్లాడిని చూశా!

ఇక కలిసి మెలగలేక విడిపోయిన భార్యాభర్తలని చూశా
మరి తానెటో తెలియని చంటిపిల్ల అయోమయం చూశా!

తోడు లేని జీవితం గోడుని చూశా
తాడు లేని బొంగరం జాడని చూశా!

గుక్క నీటికోసం పక్కూరెళ్ళే అక్కని చూశా
ముద్ద కూటికోసం రెక్కచాచే డొక్కని చూశా!

బీటలువారి ఎండిన పొలంలో కన్నీరెండిన కళ్లని చూశా
ఏడాది కష్టం అప్పులపాలై చూరుకు ఊగిన తాళ్ళని చూశా!

నియంత నిరంకుశత్వంతో కాలరాసిన హక్కులు చూశా
అంతర్గత కుమ్ములాటతో అంతరించిన శాంతిని చూశా!

లేని ఉద్యోగం కోసం ఊరూరూ తిరిగే నిరుద్యోగిని చూశా
చాలీచాలని జీతంతో సతమతమయ్యే చిరుద్యోగిని చూశా!

అంతులేని సంపద ఉన్నా తినలేని అభాగ్యం చూశా
అందలేని అందలమెక్కినా దూరమైన ఆనందం చూశా!

పలకలేని నోటిని చూశా
వినలేని చెవులని చూశా
నడవలేని కాళ్ళని చూశా
చూడలేని కళ్ళని చూశా!

తరచి చూస్తే..

లోకంలో లెక్కలేని ఈతిబాధలు ఎన్నెన్నో!
ఈదలేని భవసాగరాలు ఇంకెన్నో!

అంత బాధతో పోలిస్తే మనకున్నదెంత?
గుమ్మడికాయ ముందు ఆవగింజంత!

ఆ కొంత మరిస్తే, మనకింకెంతో ఇచ్చిన ఆ భగవంతునికి మనస్ఫూర్తిగా.. Thanks!

Happy Thanksgiving!

Happy Father’s Day!

మొన్నైనా నిన్నైనా నేడైనా, ‘నేనున్నానని’ ఎన్నడూ నా వెన్నుండేది నాన్నే!

అందుకనే, ఎవరెన్నన్నా, నాకన్నిటికన్నా మా నాన్నే మిన్న.. నాకన్నా, నా కన్న కన్నా!

నేనూ నాన్ననే ఐనా, నేను నేనే.. నాన్న నాన్నే! కనుకనే, నాన్న నన్నెన్నన్నా, నేను నాన్నననను!

పిన్నలందరూ నాన్నల మన్ననలందేలా మనాలని కోరుకుంటూ.. Happy Father’s Day! 

Happy New Year 2024!

యుద్ధం లేని ప్రపంచం
అవినీతి లేని ప్రభుత్వం

ప్రకోపం లేని ప్రకృతి
తుపాకీ లేని సంస్కృతి

ద్రవ్యోల్బణం లేని ఆర్ధికం
నిరుద్యోగం లేని యువత

ఒత్తిడి లేని ఉద్యోగం
జబ్బు లేని ఆరోగ్యం

కలహం లేని కాపురం
కలత లేని మనసు

ఇలాంటి చిన్ని చిన్ని కోరికలు తీరాలని కోరుకుంటూ.. Happy New Year 2024! 

Life after mid-40’s

Age difference between 10’s and 20’s is just 10 years. The difference between 20’s and 30’s may be 10 years too. But, between the 30’s and 40’s, it’s way more than 10. I appear to have grown much older, physically and psychologically. This is possibly the beginning of the downward slope of the bell curve we call life.

I can no longer claim I am in my 40’s. It’s more appropriate to say, I am in my late 40’s. For, life after the mid-40’s changes all of a sudden, as I see it. My random experiences with life as I cross the pinnacle of the mountain (mid-40’s) to climb down to the other end:

  • Until my mid-40’s, I counted increments in my age at each birthday. Now, I began to countdown the possible remaining birthdays. Life is starting to appear too short.
  • Until my mid-40’s, I didn’t care much for my appearance. Now, I’m valiantly trying to hide the twinkling wrinkles all over my face and the shiny surface of my head.
  • Until my mid-40’s, I played sports and activities that I was interested in and that excited me. Now, I started to pick those that are safe and less prone to injuries. This, I believe, is called, “playing it safe”.
  • Until my mid-40s, when we friends got-together, we discussed college days and girls. Now, we started to discuss health issues and teenage children.
  • Until my mid-40’s, when I traveled alone, I used to hope there was a girl sitting next to me and was disappointed if there was none. Now if there is one, they are so disappointed I am sitting next to them.
  • I started to find fallen hair on the bed, the carpet, the kitchen floor, the couch, the laptop keyboard, and so on. Baffled, I wanted to scratch my head, and “ouch” it hurt, as there isn’t much left on it.
  • I am not worried about career growth anymore. I rather struggle to keep up with younger people to keep my existing job. Thoughts about retirement are creeping in, almost every week.
  • If I draw my family tree, it shrinks above me and grows below me. And if I look carefully, I might even find a leaf calling me grandpa.
  • The other day I received a check for a large sum. It’s the life insurance policy that has matured, which I invested a 25yrs ago. OMG! Philosophy, Nirvana, Bhagavadgita, etc. all starting to make sense now.

However, it’s not all over yet. I still potentially have half my life left to live. Let me not get bogged down by these changes; I just need to change gears in the journey of my life!

తెలుగు భాషా దినోత్సవం!

తెలుగుభాష అంతరించిపోతోందని ఆవేదన చెందేవాళ్ళకీ
‘తెలుగువాడకం ఎలా పెంచాలా’ అని ఆలోచించేవాళ్ళకీ
కమ్మని పాట, తియ్యని పద్యం విని ఆనందించేవాళ్ళకీ
అచ్చతెలుగులో మాట్లాడేవాళ్ళని చూసి ఆరాధించేవాళ్లకీ
మనమూ తెలుగులోనే మాట్లాడాలని ఆరాటపడేవాళ్ళకీ
పిల్లలకి కూడా తెలుగు నేర్పాలని ఆవేశపడేవాళ్ళకీ
అది చేతకాక, సాధ్యంకాక లోలోనే ఆక్రందించేవాళ్ళకీ

‘అసలెందుకీ తెలుగు’ అనే ప్రశ్నకి సమాధానం చెప్పలేక అవస్థపడేవాళ్ళకీ

అంటే.. క్లుప్తంగా.. నాలాంటి తోటి భాషాభిమానులందరికీ..

తెలుగు భాషా దినోత్సవ శుభాకాంక్షలు!
తెలుగు మాట్లాడేవాళ్ళందరికీ అభివందనాలు!!

ఆది శంకరాచార్య జయంతి!

నాకు ఈ వయసులో కూడా అర్ధం ఐనట్టే వుండి ఏ మాత్రం అర్ధం కాని వేదాంతాన్ని,
శంకరాచార్యుల వారు తన పన్నెండవ ఏటనే ఔపోసన పట్టి,
ముప్పైరెండేళ్లకే దేశపు నలుమూలలనీ కలియ చుట్టి,
ప్రస్థాన త్రయాలైనట్టి ఉపనిషత్తులు, బ్రహ్మ సూత్రాలు, భగవద్గీతలకు భాష్యాలు చెప్పి,
మూఢవిశ్వాసాలలో మునిగిపోతూ దారితప్పిన సమాజానికి సన్మార్గాన్ని చూపి,
ఆనాటికే మరుగున పడుతున్న సనాతన ధర్మానికి సరికొత్త ఊపిరులూది,
“అంతా ఒక్కటే” అంటూ అద్వైత సిద్ధాంతాన్ని ప్రపంచానికి అందించిన..

తత్వవేత్తలకే మార్గదర్శి..
గురువులకే గురువు..
జగద్గురు ఆది శంకరాచార్యుల వారి జయంతి సందర్బంగా..
అందరికీ ఆత్మజ్ఞాన సిద్ధిరస్తు!

వసంతం!

నాకే కాదు.. ఈ భూమికి, భూమ్మీది జీవరాశులన్నిటికీ వసంత ఋతువు అంటే చాలా ఇష్టం!
ఇలాంటి వసంతాన్ని నాకు కనిపించే ప్రకృతి అందాలతో పోల్చి వర్ణించే ఓ చిన్న ప్రయత్నమే.. వసంతం!

వికసించే వన్నెల పువ్వై
చిగురించే పచ్చని చెట్టై

లేలేత ఆకులే కోకలై
తుళ్ళే కొమ్మకు సోకులై

కుహూకుహూమనే కోకిలై
ఝూ ఝుమ్మనే తుమ్మెదై

తారాడే పిల్ల తెమ్మెరై
వేకువే వెచ్చని భానువై

పలకరించే పచ్చికై
పులకరించే పుడమై
పరవశించే మనసై
మైమరపించే సొగసై

పుడుతుంది మళ్ళీ జీవమై!
నా మదిలో మధుర భావమై!!

మహిళా దినోత్సవం!

సృష్టికి మూలం వెతుక్కుంటూ వెళ్తే..
అది ఓ స్త్రీ దగ్గరే ఆగుతుంది!

మనిషిని పుట్టించే బ్రహ్మ కోసం తపస్సు చేస్తే..
తల్లి గర్భమే ప్రత్యక్షమౌతుంది!

స్వార్ధం లేని ప్రేమ కోసం ఆరా తీస్తే..
అమ్మ చేసే త్యాగమే గుర్తుకొస్తుంది!

అంతులేని ఓర్పు సాధ్యమా అని ప్రశ్నిస్తే..
భర్తను భరించే భార్యే బదులౌతుంది!

ఒకేసారి పది పనులు కుదరవని శంకిస్తే..
ఇంట్లో ఇల్లాలే కళ్ళలో మెదులుతుంది!

ప్రకృతికి సమతూగే సౌందర్యం లేదని ఖండిస్తే..
అతివ అందం ప్రకృతికే అలంకారమంటుంది!

జనాభాలో మీరు సగభాగమే ఐనా.. మా జీవితంలో మీది సింహభాగమే!

హృదయం నింపటానికి ప్రేయసి,
మనసు విప్పటానికి సోదరి,
ప్రేమ పంచటానికి కూతురు..
వెరసి.. మీరు లేనిదే మేము లేము.

మహిళా దినోత్సవ సందర్బంగా, మీకివే మా శుభాకాంక్షలు!

సత్తువ

సత్తువ

Engineer’s Day సందర్బంగా శుభాకాంక్షలతో పాటు, software engineer లకు “ఆ సత్తా” తక్కువనే వెటకారాలూ media లోనూ social media లోనూ ఎక్కువైనందుకు, అసలు సత్యమేంటో తెలియచెప్పే ప్రయత్నమే.. ఈ “సత్తువ“!

ఎక్కే వాళ్ళని తొక్కేయడం,
ఎక్కిన వాళ్ళని లాగేయడం,
సమాజంలో సహజం.

అది వీలు కానప్పుడు,
తమకు ఎక్కడం చేతకానప్పుడు,
తక్కినవారిని తక్కువచేసి చూడడం..
అదొక వైకల్యం.

అందుకే..
అధికారికి అవినీతి అంటగట్టడం,
నాయకుడికి పక్షపాతం ఆపాదించడం,
నటులని విటులనడం,
డబ్బులు వున్నవాడికి విలువలు లేవనడం,
విదేశాల్లోనివాళ్ళకి స్వదేశం మీద ద్వేషం అని నిందలేయడం,
సుఖంగా వుంటే బద్ధకమనీ, సంతోషంగా వుంటే స్వార్ధమనీ దెప్పడం..
ఇదొక జాడ్యం.

ఆ కోవ లోనిదే..
రాత్రీపగలూ కష్టపడి బాగా సంపాదించి,
గొప్పగా బతికే సాప్ట్ వేర్ ఉద్యోగులని చూసి.. ఓర్వలేక,
“ఆ విధంగా” అనుకుని శునకానందించడం కూడా!

Belated Happy Engineer’s Day!

అల

నా మాట

ఈ మధ్యనే, ఒక అందమైన సముద్రపు ఒడ్డున విహారానికి వెళ్ళినప్పుడు, సముద్రపు అలలు చేసే విన్యాసాలనూ, ఆ అలలతో చిన్నాపెద్దా ఆడే ఆటలనూ, నేను ఉల్లాసంగా గమనిస్తున్నప్పుడు, నాలో దొరలిన చిరు అనుభూతుల మాల.. ఈ “అల”!

‘అల’ను మించిన చెలిమి లేదు
రోజంతా  ఆడినా అలుపు రాదు

అల్లంత దూరం నుంచీ తీరందాకా వస్తుంది
పాలపొంగు నురగతో చిలిపి అల్లరి చేస్తుంది

పున్నమి వెన్నెల కాంతిని పరుచుకుని వస్తుంది
రంగుల వన్నెల గవ్వలను మోసుకుని తెస్తుంది

పడినా మళ్ళీ లేవాలని పదే పదే చెబుతుంది
దూరం ఎంతైనా తీరం చేరాలనే చెబుతుంది

అలసి సొలసిన మనసులకు విశ్రాంతినిస్తుంది
భావ కవితల భావుకులకు ప్రేరణనిస్తుంది

జంట ప్రేమికుల పాదాలను ప్రేమతో పలకరిస్తుంది
చిన్నారుల ఇసుక గూళ్ళను లాలితో ముద్దాడుతుంది

రేతిరంతా తోడులేరని హోరున ఘోషిస్తుంది
తెల్లవారి వేకువకోసం ఆతృతగా వేచిచూస్తుంది
మరోరోజు మరెందరినో మైమరపించడానికి
తెరలు తెరలుగా తీరానికి తరలి వస్తూనే ఉంటుంది!

మిత్రమా..
అలాంటి అలను, అలాంటి చెలిమిని మలినం చెయ్యటం తగునా?
సముద్రతీరానికి అర్ధంలేని పాస్టిక్ వ్యర్ధంతో తీరని అనర్ధం.. భావ్యమా?

అసలు.. అల తలచుకుంటే ప్రళయం కష్టమా?
స్నేహం సునామీగా మారితే మనకే నష్టం సుమా!

శుభకృత్

ప్రపంచం ఎదుర్కుంటున్న ప్రస్తుత సమస్యలు సమసిపోవాలని కోరుకుంటూ..

దేశాల మధ్య యుద్ధాలు ఆగిపోవాలని
జాతుల మధ్య దూరాలు తగ్గిపోవాలని

ప్రక్కనున్న పొరుగుదేశం మెరుగుపడాలని
భ్రష్టుపట్టిన సొంతరాష్ట్రం బాగుపడాలని

అంతుచిక్కని మాయరోగం మాయమవ్వాలని
మరింకేదేదో కొత్తరోగం పుట్టకుండాలని

మింటిని అంటిన ధరలు దిగిరావాలని
ఇంటింటా సుఖశాంతుల సిరులు పెరగాలని

శుభకృతు సంవత్సరాన అందరికీ శుభం జరగాలని కోరుకుంటూ.. ఉగాది శుభాకాంక్షలు!