విజయదశమి శుభాకాంక్షలు!

అందరికీ విజయం చేకూరాలని కోరుకుంటూ,
శుభాకాంక్షలు తెలుపుదామని మొదలుపెట్టా.
ఐతే, ఒక్క క్షణం సంశయించి, ఆగిపోయా.

“అందరికీ” విజయం.. అసలు అది ఎలా సాధ్యం?
ఏ పోటీలోనైనా, ఒకరికి విజయం చేకూరాలంటే, మరొకరికి పరాజయం తప్పదు కదా!

మరి, “అందరికీ విజయం ఎలా?” అని, ఆలోచించగా ఆలోచించగా నాకు బోధపడిన సత్యం..
మనకు పోటీ వేరెవరితోనో కాదని,
అది మనతోనే అని, మనలోనే అని!
ఆ పోటీ మంచికీ, చెడుకీ మధ్యే అని,
ఆ రెండూ మనలోనే ఉన్నాయని!
ఆ ‘చెడు’ని గెలిచే ‘మంచే’ అసలైన విజయమని!

ఆ అసలైన విజయం అందరికీ సిద్ధించాలని కోరుకుంటూ.. 
విజయదశమి శుభాకాంక్షలు!