వసంతం!

---

నాకే కాదు.. ఈ భూమికి, భూమ్మీది జీవరాశులన్నిటికీ వసంత ఋతువు అంటే చాలా ఇష్టం!
ఇలాంటి వసంతాన్ని నాకు కనిపించే ప్రకృతి అందాలతో పోల్చి వర్ణించే ఓ చిన్న ప్రయత్నమే.. వసంతం!

---

వికసించే వన్నెల పువ్వై
చిగురించే పచ్చని చెట్టై

లేలేత ఆకులే కోకలై
తుళ్ళే కొమ్మకు సోకులై

కుహూకుహూమనే కోకిలై
ఝూ ఝుమ్మనే తుమ్మెదై

తారాడే పిల్ల తెమ్మెరై
వేకువే వెచ్చని భానువై

పలకరించే పచ్చికై
పులకరించే పుడమై
పరవశించే మనసై
మైమరపించే సొగసై

పుడుతుంది మళ్ళీ జీవమై!
నా మదిలో మధుర భావమై!!

---

---