ఐదునే అగుపించింది.. చూపు తిప్పుకోలేకపోయా!
ఏడున ఎదురైంది.. అడ్డు తప్పుకోలేకపోయా!
పదిలో పక్కనే కూర్చుంది.. కానీ నోరు విప్పలేకపోయా!

ఇంటర్ లో ఇంటెదురే.. తుంటరి ఆలోచనలెన్నో!
కోచింగ్ లో కంటెదురే.. కొంటె చూపులెన్నో!
కాలేజ్ మొత్తం  కళకళే.. కానీ పోటీలో గుంపులెన్నో!

పక్కింట్లో పారిజాతం.. రోజంతా కంటికింపు!
వీధిచివర్లో విరజాజి.. మనసంతా గుబాళింపు!
ఊరి నిండా తామరలు.. కానీ అడుసుకి జడిసి మందలింపు!

బస్సులో పక్కసీటే.. శబ్దం కాదది సంగీతం!
రైల్లో ఎదురు బెర్తే.. వేగం కాదది గుండెచప్పుడు!
ప్రతి ప్రయాణంలోనూ ప్రణయమే.. కానీ గమ్యమెప్పుడూ అర్ధంతరమే!

అలా పాతికేళ్లుగా అందీ అందని ప్రేమామృతాన్ని
నాకు జీవితాంతం అందించేలా నా సొంతమైన నీకు..

Happy Valentine’s Day!

If you find reading Telugu difficult, listen to my audio right here.